ಮುಜಾಫರ್ ಪುರ್: ‘ಪಂಡಿತರು’ ಅಥವಾ ‘ಬ್ರಾಹ್ಮಣರು’ ಜಾತಿ ದ್ವೇಷವನ್ನ ಸೃಷ್ಟಿಸುತ್ತಿದ್ದಾರೆ ಎಂದು ಆರೋಪಿಸಿರುವ ರಾಷ್ಟ್ರೀಯ ಸ್ವಯಂಸೇವಕ ಸಂಘ (RSS) ಮುಖ್ಯಸ್ಥ ಮೋಹನ್ ಭಾಗವತ್ ಅವರಿಗೆ ಸಂಕಷ್ಟ ಎದುರಾಗಿದೆ. ಬಿಹಾರದ ಮುಜಾಫರ್ಪುರ ಜಿಲ್ಲೆಯ ಚೀಫ್ ಜ್ಯುಡಿಷಿಯಲ್ ಮ್ಯಾಜಿಸ್ಟ್ರೇಟ್ (CJM) ನ್ಯಾಯಾಲಯದಲ್ಲಿ ದೂರು ದಾಖಲಿಸಲಾಗಿದೆ.
ಫೆಬ್ರವರಿ 5 ರಂದು ಗುರು ರವಿದಾಸ್ ಜಯಂತಿಯನ್ನ ಆಚರಿಸಲು ಮಹಾರಾಷ್ಟ್ರದ ರಾಜಧಾನಿ ಮುಂಬೈನಲ್ಲಿ ಮಾತನಾಡಿದ RSS ಮುಖ್ಯಸ್ಥ ಮೋಹನ್ ಭಾಗವತ್, ಜಾತಿ ವ್ಯವಸ್ಥೆಯನ್ನ ದೇವರು ವಿಧಿಸಿಲ್ಲ. ಆದ್ರೆ, ‘ಪಂಡಿತರು’ ರಚಿಸಿದ್ದಾರೆ ಎಂದು ಹೇಳಿದ್ದಾರೆ.
ಆದಾಗ್ಯೂ, ‘ಪಂಡಿತ್’ ಎಂದರೆ ‘ಬುದ್ಧಿಜೀವಿಗಳು’ ಎಂದರ್ಥವೇ ಹೊರತು ಬ್ರಾಹ್ಮಣರಲ್ಲ ಎಂದು RSS ಮುಖ್ಯಸ್ಥರು ಸೋಮವಾರ ಸ್ಪಷ್ಟಪಡಿಸಿದ್ದಾರೆ.
ವಕೀಲರಿಂದ ಕ್ರಿಮಿನಲ್ ದೂರು
ವಕೀಲ ಸುಧೀರ್ ಓಜಾ ಅವರು ಸಿಜೆಎಂ ನ್ಯಾಯಾಲಯದಲ್ಲಿ ದೂರು ದಾಖಲಿಸಿದ್ದಾರೆ.
“ಭಾರತೀಯ ದಂಡ ಸಂಹಿತೆಯ (ಐಪಿಸಿ) ಸೆಕ್ಷನ್ 504, 505 ಮತ್ತು 506 (ಶಾಂತಿ ಉಲ್ಲಂಘನೆಯನ್ನು ಪ್ರಚೋದಿಸುವ ಉದ್ದೇಶದಿಂದ ಅವಮಾನ) ಅಡಿಯಲ್ಲಿ ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್ಎಸ್ಎಸ್) ಮುಖ್ಯಸ್ಥ ಮೋಹನ್ ಭಾಗವತ್ ವಿರುದ್ಧ ಮುಜಾಫರ್ಪುರದ ಸಿಜೆಎಂ ನ್ಯಾಯಾಲಯದಲ್ಲಿ ದೂರು ದಾಖಲಿಸಿದ್ದೇನೆ. ಇದಲ್ಲದೆ, ಸೆಕ್ಷನ್ 153 ಮತ್ತು 153 ಎ ಅನ್ನು ಸಹ ದೂರಿನಲ್ಲಿ ಅನ್ವಯಿಸಲಾಗಿದೆ. ಬ್ರಾಹ್ಮಣರು ಜಾತಿಗಳನ್ನ ಸೃಷ್ಟಿಸುತ್ತಿದ್ದಾರೆ ಎಂದು ಆರೋಪಿಸಿ ಫೆಬ್ರವರಿ 5 ರಂದು ಅವರು ಮುಂಬೈನಲ್ಲಿ ಹೇಳಿಕೆ ನೀಡಿದ್ದರು. ಸಮಾಜದಲ್ಲಿ ವಿಭಜನೆಯನ್ನ ಸೃಷ್ಟಿಸುವ ಪ್ರಯತ್ನದಲ್ಲಿ ಅವರು ಉದ್ದೇಶಪೂರ್ವಕವಾಗಿ ಈ ಹೇಳಿಕೆ ನೀಡಿದ್ದಾರೆ. ವೋಟ್ ಬ್ಯಾಂಕ್ ರಾಜಕೀಯವನ್ನ ಗಮನದಲ್ಲಿಟ್ಟುಕೊಂಡು ಅವ್ರು ಈ ನಿರ್ಧಾರ ಕೈಗೊಂಡಿದ್ದಾರೆ ಎಂದು ವಕೀಲ ಸುಧೀರ್ ಓಜಾ ಹೇಳಿದ್ದಾರೆ.
BIGG NEWS: ಭೂಕಂಪದಿಂದ ಟರ್ಕಿ, ಸಿರಿಯಾದಲ್ಲಿ ಸುಮಾರು 23 ಮಿಲಿಯನ್ ಜನರು ಸಂಕಷ್ಟದಲ್ಲಿದ್ದಾರೆ : WHO ಮಾಹಿತಿ
