ನವದೆಹಲಿ : ಕಳೆದ ವರ್ಷದ ಕೊನೆಯಲ್ಲಿ ಭಾರತದಲ್ಲಿ 5G ಪ್ರಾರಂಭಿಸಲಾಯಿತು ಮತ್ತು ಈಗ ಅದು 6Gಯ ಸರದಿಯಾಗಿದೆ. ದೇಶದಲ್ಲಿ 5G ಬಿಡುಗಡೆಯಲ್ಲಿ ವಿಳಂಬವಾಗಿದ್ದರೂ ಸಹ, 6G ಗಾಗಿ ಈಗಾಗಲೇ ಸಿದ್ಧತೆಗಳು ಪ್ರಾರಂಭವಾಗಿವೆ. ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತ 6ಜಿ ವಿಷನ್ ಡಾಕ್ಯುಮೆಂಟ್’ನ್ನ ಬುಧವಾರ ಮಂಡಿಸಿದ್ದಾರೆ. ಇದರೊಂದಿಗೆ, ಅವರು 6G ಸಂಶೋಧನೆ ಮತ್ತು ಅಭಿವೃದ್ಧಿ ಪರೀಕ್ಷೆಯನ್ನ ಪ್ರಾರಂಭಿಸಿದ್ದಾರೆ.
ದೇಶದಲ್ಲಿ 6G ತಂತ್ರಜ್ಞಾನವನ್ನ ಪ್ರಾರಂಭಿಸಲು ಮತ್ತು ಅಳವಡಿಸಿಕೊಳ್ಳಲು ಈ ದಾಖಲೆಗಳು ಸಹಾಯಕವಾಗುತ್ತವೆ. 5G ಬಿಡುಗಡೆಯ ಸಮಯದಲ್ಲಿಯೂ ಸಹ, ಮೋದಿ 6G ಗಾಗಿ ಸಿದ್ಧತೆಗಳನ್ನು ಪ್ರಾರಂಭಿಸುವ ಬಗ್ಗೆ ಮಾತನಾಡಿದ್ದರು. ಅದ್ರಂತೆ, 6Gಯ ವಿಷನ್ ಡಾಕ್ಯುಮೆಂಟ್‌ಗೆ ಸಂಬಂಧಿಸಿದ ಕೆಲವು ವಿಶೇಷ ವಿಷಯಗಳನ್ನ ನಾವು ತಿಳಿದುಕೊಳ್ಳೋಣ.
6G ವಿಷನ್ ಡಾಕ್ಯುಮೆಂಟ್ ಪ್ರಸ್ತುತಪಡಿಸಿದ ಪ್ರಧಾನಿ ಮೋದಿ, ‘ಈ ದಶಕವು ಭಾರತದ ಟೆಕ್-ಏಡ್ ಆಗಿದೆ. ಭಾರತದ ಟೆಲಿಕಾಂ ಮತ್ತು ಡಿಜಿಟಲ್ ಮಾದರಿಯು ನಯವಾದ, ಸುರಕ್ಷಿತ, ಪಾರದರ್ಶಕ, ವಿಶ್ವಾಸಾರ್ಹ ಮತ್ತು ಪರೀಕ್ಷಿಸಲ್ಪಟ್ಟಿದೆ. ಐಟಿಯು (ಇಂಟರ್ನ್ಯಾಷನಲ್ ಟೆಲಿಕಮ್ಯುನಿಕೇಶನ್ ಯೂನಿಯನ್) ಏರಿಯಾ ಆಫೀಸ್ ಮತ್ತು ಇನ್ನೋವೇಶನ್ ಸೆಂಟರ್ ಉದ್ಘಾಟನೆಯ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಈ ವಿಷಯಗಳನ್ನ ಹೇಳಿದರು.
6G ವಿಷನ್ ಡಾಕ್ಯುಮೆಂಟ್ ಯಾರು ಸಿದ್ಧಪಡಿಸಿದ್ದಾರೆ.?
ಭಾರತ್ 6G ವಿಷನ್ ಡಾಕ್ಯುಮೆಂಟ್’ನ್ನ 6Gನಲ್ಲಿ ಟೆಕ್ನಾಲಜಿ ಇನ್ನೋವೇಶನ್ ಗ್ರೂಪ್ ಸಿದ್ಧಪಡಿಸಿದೆ. ಈ ಗುಂಪನ್ನು ನವೆಂಬರ್ 2021ರಲ್ಲಿ ಪ್ರಾರಂಭಿಸಲಾಯಿತು. ಈ ಗುಂಪಿನಲ್ಲಿ ವಿವಿಧ ಸಚಿವಾಲಯಗಳು ಮತ್ತು ಇಲಾಖೆಗಳು, ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಗಳು, ಶಿಕ್ಷಣ ತಜ್ಞರು, ಟೆಲಿಕಾಂ ಸೇವಾ ಪೂರೈಕೆದಾರರು ಮತ್ತು ಉದ್ಯಮದ ಜನರು ಸೇರಿದ್ದಾರೆ. ಭಾರತದಲ್ಲಿ 6G ಬಿಡುಗಡೆಗೆ ಮಾರ್ಗಸೂಚಿಯನ್ನು ಸಿದ್ಧಪಡಿಸುವುದು ಈ ಗುಂಪಿನ ಕೆಲಸವಾಗಿದೆ.
ಟೆಸ್ಟ್ ಬೆಡ್’ನ ಪ್ರಯೋಜನವೇನು?
6G ವಿಷನ್ ಡಾಕ್ಯುಮೆಂಟ್ ಜೊತೆಗೆ, PM ಮೋದಿ 6G ಟೆಸ್ಟ್ ಬೆಡ್ ಅನ್ನು ಸಹ ಪ್ರಾರಂಭಿಸಿದ್ದಾರೆ. ಅದರ ಸಹಾಯದಿಂದ, ಉದ್ಯಮ, ಶೈಕ್ಷಣಿಕ ಸಂಸ್ಥೆಗಳು ಮತ್ತು ಇತರ ವೇದಿಕೆಗಳು ಅಭಿವೃದ್ಧಿಶೀಲ ತಂತ್ರಜ್ಞಾನವನ್ನು ಪರೀಕ್ಷಿಸಲು ಸಾಧ್ಯವಾಗುತ್ತದೆ.
ಸರ್ಕಾರ ಹೇಳುವುದೇನು.?
ಭಾರತ 6G ವಿಷನ್ ಡಾಕ್ಯುಮೆಂಟ್ ಮತ್ತು 6G ಟೆಸ್ಟ್ ಬೆಡ್ ದೇಶವು ನಾವೀನ್ಯತೆಯನ್ನ ಸಕ್ರಿಯಗೊಳಿಸಲು, ಸಾಮರ್ಥ್ಯವನ್ನ ಹೆಚ್ಚಿಸಲು ಮತ್ತು ಹೊಸ ತಂತ್ರಜ್ಞಾನವನ್ನ ವೇಗವಾಗಿ ಅಳವಡಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ಸರ್ಕಾರ ಹೇಳುತ್ತದೆ.
6G ದೃಷ್ಟಿಯನ್ನ 2022ರಲ್ಲಿಯೇ ಸೂಚಿಸಲಾಗಿದೆ.!
ಕಳೆದ ವರ್ಷ ಆಗಸ್ಟ್‌ನಲ್ಲಿ, ಸ್ಮಾರ್ಟ್ ಇಂಡಿಯಾ ಹ್ಯಾಕಥಾನ್‌ನ ಕೊನೆಯಲ್ಲಿ ಪಿಎಂ ಮೋದಿ ಅವರು 6G ಬಿಡುಗಡೆಗೆ ಸರ್ಕಾರ ಸಿದ್ಧತೆ ನಡೆಸುತ್ತಿದೆ ಎಂದು ಹೇಳಿದ್ದರು, ಇದು ಈ ದಶಕದ ಅಂತ್ಯದ ವೇಳೆಗೆ ಬಿಡುಗಡೆಯಾಗಲಿದೆ. ಇದರೊಂದಿಗೆ ಯುವಕರು ಮತ್ತು ನವೋದ್ಯಮಿಗಳು ಈ ಅವಕಾಶವನ್ನ ಸದುಪಯೋಗಪಡಿಸಿಕೊಳ್ಳಲು ಕೋರಿದರು ಮತ್ತು ಹೊಸ ಪರಿಹಾರಗಳನ್ನ ಕಂಡುಕೊಳ್ಳುವಂತೆ ಮನವಿ ಮಾಡಿದರು.
ಅಂದ್ಹಾಗೆ, ಕಳೆದ ವರ್ಷ ಅಕ್ಟೋಬರ್ 1 ರಂದು ಭಾರತದಲ್ಲಿ 5G ಸೇವೆಯನ್ನ ಪ್ರಾರಂಭಿಸಲಾಯಿತು.
BIGG NEWS : ಸರಿಯಾದ ನಕ್ಷೆ ತೋರಿಸಿ ಅಥ್ವಾ ‘SCO ಸಭೆ’ಯಿಂದ ಹೊರ ಹೋಗಿ ; ಪಾಕ್ ದುರ್ಬುದ್ಧಿಗೆ ಭಾರತ ತಕ್ಕ ಪೆಟ್ಟು
BIG UPDATE: ‘ಶುಕ್ರವಾರ’ದಿಂದ ರಾಜ್ಯಾಧ್ಯಂತ ‘ರಂಜಾನ್ ಉಪವಾಸ ವ್ರತ’ ಆರಂಭ
