ಢಾಕಾ: ಬಾಂಗ್ಲಾದೇಶದಲ್ಲಿ ಪ್ರಯಾಣಿಕರಿಂದ ತುಂಬಿದ ದೋಣಿ ಮುಳುಗಿ ಬರೋಬ್ಬರಿ 23 ಜನರು ಸಾವನ್ನಪ್ಪಿದ್ದು, 12ಕ್ಕೂ ಅನೇಕ ಜನರು ಕಾಣೆಯಾಗಿರುವ ಘಟನೆ ನಡೆದಿದೆ.
ಇಲ್ಲಿಯವರೆಗೆ ಪತ್ತೆಯಾದ ಶವಗಳಲ್ಲಿ ಮಹಿಳೆಯರು ಮತ್ತು ಮಕ್ಕಳು ಸೇರಿದ್ದಾರೆ. ನಾಪತ್ತೆಯಾದವರ ಪತ್ತೆಗಾಗಿ ರಕ್ಷಣಾ ಕಾರ್ಯಾಚರಣೆ ಮುಂದುವರಿದಿದೆ ಎಂದು ಅಪಘಾತ ಸಂಭವಿಸಿದ ಉತ್ತರ ಪಂಚಗಢದ ಜಿಲ್ಲಾ ಆಡಳಿತಾಧಿಕಾರಿ ಜಹುರುಲ್ ಇಸ್ಲಾಂ ಹೇಳಿದ್ದಾರೆ.
ಕಾಣೆಯಾದವರ ನಿಖರ ಸಂಖ್ಯೆ ತಿಳಿದಿಲ್ಲ. ಆದರೆ ಪ್ರಯಾಣಿಕರು 70 ಕ್ಕೂ ಹೆಚ್ಚು ಜನರು ದೋಣಿದಲ್ಲಿದ್ದರು ಎಂದು ಹೇಳಿದರು.
ಬಾಂಗ್ಲಾದೇಶದಲ್ಲಿ ದೋಣಿ ಅಪಘಾತಗಳಲ್ಲಿ ಪ್ರತಿವರ್ಷ ನೂರಾರು ಜನರು ಸಾಯುತ್ತಾರೆ. ಇದು ತಗ್ಗು ಪ್ರದೇಶದ ವ್ಯಾಪಕವಾದ ಒಳನಾಡಿನ ಜಲಮಾರ್ಗಗಳನ್ನು ಹೊಂದಿದ್ದು, ಯಾವುದೇ ಸುರಕ್ಷತಾ ಮಾನದಂಡಗಳನ್ನು ಹೊಂದಿಲ್ಲ ಎನ್ನಲಾಗುತ್ತಿದೆ.
ಮಿತಿಮೀರಿದ ವೇಗದ ದೋಣಿ ಮರಳು ತುಂಬಿದ ಬೃಹತ್ ಕ್ಯಾರಿಯರ್‌ಗೆ ಡಿಕ್ಕಿ ಹೊಡೆದು ಪದ್ಮಾ ನದಿಯಲ್ಲಿ ಮುಳುಗಿದ ನಂತರ ಮೇ ತಿಂಗಳಲ್ಲಿ ಕನಿಷ್ಠ 26 ಮಂದಿ ಸಾವನ್ನಪ್ಪಿದ್ದರು.
