ಅಮೆರಿಕ : ಕ್ಯಾಲಿಫೋರ್ನಿಯಾವು 48 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ ಸಾವುನೋವುಗಳಿಗೆ ಕಾರಣವಾದ ಎರಡು ಸಾಮೂಹಿಕ ಗುಂಡಿನ ದಾಳಿಯಿಂದ(CaliforniaMass Shootings )ತತ್ತರಿಸುತ್ತಿರುವುದರಿಂದ ಆಕ್ರಮಣಕಾರಿ ಶಸ್ತ್ರಾಸ್ತ್ರಗಳ ನಿಷೇಧವನ್ನು(Assault Weapons Ban) ತ್ವರಿತವಾಗಿ ಜಾರಿಗೊಳಿಸುವಂತೆ ಯುಎಸ್ ಅಧ್ಯಕ್ಷ ಜೋ ಬಿಡೆನ್ (US President Joe Biden ) ಕಾಂಗ್ರೆಸ್ ಅನ್ನು ಒತ್ತಾಯಿಸಿದ್ದಾರೆ.
ಸೋಮವಾರ(ನಿನ್ನೆ ) 2004 ರ ಆಕ್ರಮಣ ಶಸ್ತ್ರಾಸ್ತ್ರಗಳ ನಿಷೇಧವನ್ನು ವಿಸ್ತರಿಸಲು ಸೆನೆಟ್‌ನಲ್ಲಿ ಬ್ರಾಡ್ ಗನ್ ನಿಯಂತ್ರಣ ಕ್ರಮಗಳನ್ನು ಮರುಪರಿಚಯಿಸಿರುವುದಾಗಿ ಶ್ವೇತಭವನ ಸೋಮವಾರ ಪ್ರಕಟಿಸಿತ್ತು. 21 ವರ್ಷವಾದ ಬಳಿಕವೇ ಆಕ್ರಮಣಕಾರಿ ಶಸ್ತ್ರಾಸ್ತ್ರಗಳನ್ನು ಖರೀದಿಸಬೇಕೆಂಬ ಶಾಸನವನ್ನು ಮರುಪರಿಚಯಿಸಿದೆ.
ಅಮೆರಿಕದಾದ್ಯಂತ ಬಂದೂಕು ಹಿಂಸಾಚಾರದ ತಡೆಗಟ್ಟಲು ಬಲವಾದ ಕ್ರಮದ ಅಗತ್ಯವಿದೆ. ನಾನು ಮತ್ತೊಮ್ಮೆ ಕಾಂಗ್ರೆಸ್‌ನ ಎರಡೂ ಚೇಂಬರ್‌ಗಳಿಗೆ ತ್ವರಿತವಾಗಿ ಕಾರ್ಯ ನಿರ್ವಹಿಸಲು ಮತ್ತು ಈ ಆಕ್ರಮಣ ಶಸ್ತ್ರಾಸ್ತ್ರಗಳ ನಿಷೇಧವನ್ನು ಹೇರುವಂತೆ. ಅಮೆರಿಕಾದ ಸಮುದಾಯಗಳು, ಶಾಲೆಗಳು, ಕೆಲಸದ ಸ್ಥಳಗಳು ಮತ್ತು ಮನೆಗಳನ್ನು ಸುರಕ್ಷಿತವಾಗಿಡಲು ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸುತ್ತೇನೆ ಎಂದು ಅಮೆರಿಕ ಅಧ್ಯಕ್ಷ ಬಿಡೆನ್ ತಿಳಿಸಿದ್ದಾರೆ.
ಕೊಲೊರಾಡೋ ಸ್ಪ್ರಿಂಗ್ಸ್‌ನಿಂದ ಮಾಂಟೆರಿ ಪಾರ್ಕ್‌ವರೆಗೆ ಸಾಮೂಹಿಕ ಗುಂಡಿನ ದಾಳಿ ಸೇರಿದಂತೆ ದುರಂತದ ನಂತರ ಅಮೆರಿಕದಾದ್ಯಂತ ಸಮುದಾಯಗಳು ದುರ್ಘಟನೆಗಳಿಗೆ ಒಳಗಾಗಿವೆ ಎಂದು ಅಧ್ಯಕ್ಷ ಬಿಡೆನ್ ತಿಳಿಸಿದ್ದಾರೆ.
ಲಾಸ್ ಏಂಜಲೀಸ್ ಬಳಿ ಹೊಸ ವರ್ಷದ ಆಚರಣೆಯಲ್ಲಿ ಭಾರಿ ಗುಂಡಿನ ದಾಳಿ ನಡೆದಿತ್ತು. ಘಟನೆಯಲ್ಲಿ 7 ಜನರು ಸಾವನ್ನಪ್ಪಿದ್ದು, ಶಂಕಿತನನ್ನು ಬಂಧಿಸಲಾಗಿದೆ ಎಂದು ತಿಳಿದು ಬಂದಿದೆ.
ದೇಶದಲ್ಲಿ ಹಲವು ಸಾಮೂಹಿಕ ಗುಂಡಿನ ದಾಳಿಗಳು ನಡೆದಿದ್ದರೂ ಸಹ, 2004 ರಲ್ಲಿ ಜಾರಿಗೆ ಬಂದ ಆಕ್ರಮಣಕಾರಿ ರೈಫಲ್ ನಿಷೇಧವನ್ನು ಮರು ಅಧಿಕೃತಗೊಳಿಸಲು ಕಾಂಗ್ರೆಸ್ ಪದೇ ಪದೇ ವಿಫಲವಾಗಿದೆ.ಬಂದೂಕುಗಳನ್ನು ಹೊಂದುವ ಸಾಂವಿಧಾನಿಕ ಹಕ್ಕಿನಿಂದಾಗಿ ಅನೇಕ ರಿಪಬ್ಲಿಕನ್ನರು ನಿಷೇಧವನ್ನು ವಿರೋಧಿಸುತ್ತಾರೆ.
ಆ ಸಮಯದಲ್ಲಿ ಸೆನೆಟರ್ ಆಗಿದ್ದ ಬಿಡೆನ್ ಅವರು ಮಂಡಿಸಿದ ವಿಶಾಲ ಅಪರಾಧ ಮಸೂದೆಯ ಭಾಗವಾಗಿ ಜಾರಿಗೆ ಬಂದ 1994 ರ ನಿಷೇಧವು ಮಿಲಿಟರಿ ಶಸ್ತ್ರಾಸ್ತ್ರಗಳನ್ನು ಹೋಲುವ 19 ನಿರ್ದಿಷ್ಟ ಶಸ್ತ್ರಾಸ್ತ್ರಗಳ ಮಾರಾಟವನ್ನು ತಡೆದಿತ್ತು.
ಅಪರಾಧಿಯನ್ನ ಅಕಾಲಿಕವಾಗಿ ಬಿಡುಗಡೆ ಮಾಡೋದು ಸರ್ಕಾರದ ಕೆಲಸ ; ಸುಪ್ರೀಂಕೋರ್ಟ್ ಮಹತ್ವದ ಅಭಿಪ್ರಾಯ
ಗಮನಿಸಿ : ಮೆಟ್ರಿಕ್ ನಂತರದ ವಿದ್ಯಾರ್ಥಿನಿಲಯ ಪ್ರವೇಶಕ್ಕೆ ಅರ್ಜಿ ಆಹ್ವಾನ
