‘ನಟ ವಿದ್ಯಾಭರಣ್’ ಆಡಿಯೋ ವೈರಲ್ ವಿಚಾರ: ತನಿಖೆಗಾಗಿ ‘ಬೆಂಗಳೂರು ನಗರ ಪೊಲೀಸ್ ಕಮೀಷನರ್’ಗೆ ದೂರು

ಬೆಂಗಳೂರು: ಯುವತಿಯೊಂದಿಗೆ ನಟ ವಿದ್ಯಾಭರಣ್ ( Actor Vidyabharan ) ಮಾತನಾಡಿದ್ದಾರೆ ಎನ್ನಲಾದಂತ ಆಡಿಯೋ ಒಂದು ವೈರಲ್ ( Audio Viral ) ಆಗಿತ್ತು. ಇದು ನನ್ನ ವಿರುದ್ಧ ಮಾಡುತ್ತಿರುವಂತ ಅಪಪ್ರಚಾರದ್ದಾಗಿದೆ. ಈ ಕುರಿತಂತೆ ತನಿಖೆ ನಡೆಸುವಂತೆ ಬೆಂಗಳೂರು ನಗರ ಪೊಲೀಸ್ ಕಮೀಷನರ್ ಗೆ ದೂರು ನೀಡಿದ್ದಾರೆ.

ಇಂದು ಆಡಿಯೋ ವೈರಲ್ ಸಂಬಂಧ ಬೆಂಗಳೂರು ನಗರ ಪೊಲೀಸ್ ಕಮೀಷನರ್ ಕಚೇರಿಗೆ ತೆರಳಿದಂತ ನಟ ವಿದ್ಯಾಭರಣ್ ಅವರು, ದೂರು ನೀಡಿದರು. ಈ ಬಳಿಕ ಮಾತನಾಡಿ, ನಮ್ಮ ಕುಟುಂಬದ ವಿರುದ್ಧ ಅಪಪ್ರಚಾರ ಮಾಡುತ್ತಿದ್ದಾರೆ. ನಮ್ಮ ಹಿತಶತ್ರುಗಳೇ ನಮ್ಮ ವಿರುದ್ಧ ಅಪಪ್ರಚಾರ ಮಾಡಿರಬಹುದು. ಆಡಿಯೋದಲ್ಲಿ ಯಾರು ಮಾತನಾಡಿರೋದು ಅಂತ ಗೊತ್ತಿಲ್ಲ. ಆಡಿಯೋದಲ್ಲಿರುವುದು ಮಾತ್ರ ಸಂಪೂರ್ಣ ಸುಳ್ಳು ಎಂದರು.

ಈ ಹಿಂದೆ ಲಿವಿಂಗ್ ರಿಲೇಷನ್ ಶಿಪ್ ನಲ್ಲಿದ್ದೆ, ಬ್ರೇಕ್ ಅಪ್ ಆಯ್ತು. ನನ್ನ ಮತ್ತು ನನ್ನ ಫ್ಯಾಮಿಲಿ ಘನತೆಗೆ ಧಕ್ಕೆ ತಂದಿದ್ದಾರೆ. ಆಡಿಯೋದಲ್ಲಿ ಮಾತನಾಡಿರುವಂತ ಮೂರನೇ ವ್ಯಕ್ತಿ ಯಾರು ಅಂತ ಗೊತ್ತಾಗಬೇಕು. ಈ ಬಗ್ಗೆ ತನಿಖೆಗಾಗಿ ಬೆಂಗಳೂರು ನಗರ ಪೊಲೀಸ್ ಕಮೀಷನರ್ ಗೆ ದೂರು ನೀಡಲಾಗಿದೆ ಎಂದು ಹೇಳಿದರು.