ವಿಶೇಷ ಮತದಾರರ ಪಟ್ಟಿ ಪರಿಷ್ಕರಣೆ (SIR) ಪ್ರಕ್ರಿಯೆಯಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವ ಉದ್ದೇಶದಿಂದ ಈ ಕೆಳಗಿನ ಪ್ರಮುಖ ಮಾಹಿತಿ ಹಾಗೂ ದಾಖಲೆಗಳನ್ನು ನೀಡಬೇಕೆಂದು ಅವರು ಕೋರಿದ್ದಾರೆ:
ಪತ್ರದಲ್ಲಿ ಉಲ್ಲೇಖಿಸಿರುವ ಪ್ರಮುಖ ಬೇಡಿಕೆಗಳು:
-
ಅಂತಿಮ ಮತದಾರರ ಪಟ್ಟಿ: 05.01.2025 ರಂದು ಪ್ರಕಟಿಸಲಾದ ಅಂತಿಮ ಮತದಾರರ ಪಟ್ಟಿಯ ಮೃದು ಪ್ರತಿ (Soft Copy) ಹಾಗೂ ಮುದ್ರಿತ ಪ್ರತಿಯನ್ನು (Printed Copy) ಒದಗಿಸಬೇಕು.
-
ಪೂರಕ ಪಟ್ಟಿಗಳು: ಅಂತಿಮ ಪಟ್ಟಿ ಪ್ರಕಟವಾದ ನಂತರ ಬಿಡುಗಡೆ ಮಾಡಲಾದ ಎಲ್ಲಾ ಆರು ಪೂರಕ ಮತದಾರರ ಪಟ್ಟಿಗಳ (Supplementary Electoral Rolls) ಪ್ರತಿಗಳನ್ನು ನೀಡಬೇಕು.
-
ಸೇರ್ಪಡೆ/ಕಡಿತದ ವಿವರ: ಆರು ಪೂರಕ ಪಟ್ಟಿಗಳಲ್ಲಿ ನಡೆದಿರುವ ವಿಧಾನಸಭಾ ಕ್ಷೇತ್ರವಾರು ಮತ್ತು ಭಾಗವಾರು (Part-wise) ಮತದಾರರ ಹೆಸರು ಸೇರ್ಪಡೆ, ಕೈಬಿಡುವಿಕೆ (Deletions), ತಿದ್ದುಪಡಿ ಹಾಗೂ ವರ್ಗಾವಣೆಗಳ ಸಂಪೂರ್ಣ ವಿವರಗಳನ್ನು ಒದಗಿಸಬೇಕು.
-
ಬೂತ್ ಮಟ್ಟದ ಏಜೆಂಟರ (BLA) ಪಟ್ಟಿ: ಮಾನ್ಯತೆ ಪಡೆದ ರಾಜಕೀಯ ಪಕ್ಷಗಳು ಪ್ರತಿ ವಿಧಾನಸಭಾ ಕ್ಷೇತ್ರ ಮತ್ತು ಮತಗಟ್ಟೆವಾರು ನೇಮಕ ಮಾಡಿರುವ ಬೂತ್ ಮಟ್ಟದ ಏಜೆಂಟರ ಪಟ್ಟಿ ಹಾಗೂ ಅವರ ಅಧಿಕಾರದ ಅವಧಿಯ ವಿವರಗಳನ್ನು ನೀಡಬೇಕು.
-
ಮಾರ್ಗಸೂಚಿಗಳು: ಬೂತ್ ಮಟ್ಟದ ಏಜೆಂಟರ ನೇಮಕಾತಿ ಮತ್ತು ಅವರ ಕಾರ್ಯನಿರ್ವಹಣೆಗೆ ಸಂಬಂಧಿಸಿದಂತೆ ಚುನಾವಣಾ ಆಯೋಗ ಹೊರಡಿಸಿರುವ ಎಲ್ಲಾ ಸುತ್ತೋಲೆಗಳು, ಸೂಚನೆಗಳು ಹಾಗೂ ಅಧಿಸೂಚನೆಗಳ ಪ್ರತಿಗಳನ್ನು ಒದಗಿಸಬೇಕು.
ಜನಪ್ರತಿನಿಧಿ ಕಾಯ್ದೆ 1950 ಮತ್ತು ಮತದಾರರ ನೊಂದಣಿ ನಿಯಮಗಳು 1960 ರ ಅಡಿಯಲ್ಲಿ, ಮಾನ್ಯತೆ ಪಡೆದ ರಾಜಕೀಯ ಪಕ್ಷಗಳಿಗೆ ಮತದಾರರ ಪಟ್ಟಿಯ ಪ್ರತಿಗಳನ್ನು ಪಡೆಯುವ ಹಕ್ಕಿರುತ್ತದೆ. ಮತದಾರರ ಪಟ್ಟಿ ಸಾರ್ವಜನಿಕ ದಾಖಲೆಯಾಗಿರುವುದರಿಂದ ಈ ಎಲ್ಲಾ ಮಾಹಿತಿಯನ್ನು ಉಚಿತವಾಗಿ ಮತ್ತು ಆದಷ್ಟು ಬೇಗ ಒದಗಿಸಿಕೊಡಬೇಕೆಂದು ರಮೇಶ್ ಬಾಬು ಅವರು ಮುಖ್ಯ ಚುನಾವಣಾಧಿಕಾರಿಗಳನ್ನು ಪತ್ರದಲ್ಲಿ ಆಗ್ರಹಿಸಿದ್ದಾರೆ.
