ನವದೆಹಲಿ : ಧಾರ್ಮಿಕ ಮತಾಂತರಕ್ಕೆ ಸಂಬಂಧಿಸಿದ ವಿಷಯವನ್ನ ಸೋಮವಾರ ಸುಪ್ರೀಂಕೋರ್ಟ್’ನಲ್ಲಿ ವಿಚಾರಣೆ ನಡೆಸಲಾಯಿತು, ಅಲ್ಲಿ ಕೇಂದ್ರ ಸರ್ಕಾರವು ತನ್ನ ಉತ್ತರವನ್ನ ಸಲ್ಲಿಸಿತು. ಇದ್ರಲ್ಲಿ ಧಾರ್ಮಿಕ ಮತಾಂತರಗಳನ್ನ ಗಂಭೀರವಾಗಿ ಪರಿಗಣಿಸಿರುವುದಾಗಿ ಕೇಂದ್ರ ಸರ್ಕಾರ ಸ್ಪಷ್ಟವಾಗಿ ಹೇಳಿದೆ.
ಅದ್ರಂತೆ, ಕೇಂದ್ರ ಸರ್ಕಾರ, “ದೇಶದಲ್ಲಿ ಧಾರ್ಮಿಕ ಮತಾಂತರದ ಸ್ವಾತಂತ್ರ್ಯವಿದೆ. ಆದ್ರೆ, ಬಲವಂತದ ಮತಾಂತರವಲ್ಲ. ಇದು ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ವಿಷಯ, ಆದ್ದರಿಂದ ಅದರ ಬಗ್ಗೆ ಸಂಪೂರ್ಣ ಗಮನ ಹರಿಸಲಾಗುತ್ತಿದೆ” ಎಂದಿದೆ. ಕೇಂದ್ರದ ಪ್ರಕಾರ, ಒಂಬತ್ತು ರಾಜ್ಯಗಳು ಈ ಅಭ್ಯಾಸವನ್ನ ಹತ್ತಿಕ್ಕಲು ಕಾನೂನುಗಳನ್ನು ಅಂಗೀಕರಿಸಿವೆ. ಕರ್ನಾಟಕ, ಒಡಿಶಾ, ಮಧ್ಯಪ್ರದೇಶ, ಗುಜರಾತ್, ಛತ್ತೀಸ್ ಗಢ, ಜಾರ್ಖಂಡ್, ಉತ್ತರಾಖಂಡ್, ಉತ್ತರ ಪ್ರದೇಶ ಮತ್ತು ಹರಿಯಾಣ ರಾಜ್ಯಗಳು ಮತಾಂತರದ ಬಗ್ಗೆ ಈಗಾಗಲೇ ಕಾನೂನುಗಳನ್ನ ಹೊಂದಿರುವ ರಾಜ್ಯಗಳಾಗಿವೆ.
ವಾಸ್ತವವಾಗಿ, ಧಾರ್ಮಿಕ ಮತಾಂತರಕ್ಕೆ ಸಂಬಂಧಿಸಿದಂತೆ ಸರ್ವೋಚ್ಚ ನ್ಯಾಯಾಲಯದಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನ ಸಲ್ಲಿಸಲಾಯಿತು. ಇದರಲ್ಲಿ ವಂಚನೆಯಿಂದಾಗಿ ದೇಶಾದ್ಯಂತ ಮತಾಂತರ ನಡೆಯುತ್ತಿದೆ ಎಂದು ಹೇಳಲಾಗಿತ್ತು. ಕಳೆದ ವಿಚಾರಣೆಯ ಸಮಯದಲ್ಲಿ, ನ್ಯಾಯಾಲಯವು ಈ ಬಗ್ಗೆ ಕೇಂದ್ರದಿಂದ ಪ್ರತಿಕ್ರಿಯೆಯನ್ನ ಕೋರಿತ್ತು. ಇದಕ್ಕೆ ಉತ್ತರಿಸಿದ ಕೇಂದ್ರ, ಸಂವಿಧಾನವು ಧಾರ್ಮಿಕ ಸ್ವಾತಂತ್ರ್ಯದ ಹಕ್ಕನ್ನ ಉಲ್ಲೇಖಿಸಿದ್ದರೂ, ವಂಚನೆ, ದಬ್ಬಾಳಿಕೆ, ಪ್ರಚೋದನೆ ಅಥವಾ ಅಂತಹ ಇತರ ವಿಧಾನಗಳ ಮೂಲಕ ಮತಾಂತರಗೊಳ್ಳುವ ಅಧಿಕಾರವನ್ನ ಅದರಲ್ಲಿ ಸೇರಿಸಲಾಗಿಲ್ಲ ಎಂದು ಹೇಳಿದೆ. ಧಾರ್ಮಿಕ ಮತಾಂತರಕ್ಕೆ ಸಂಬಂಧಿಸಿದ ಕಾನೂನುಗಳು ಹಲವಾರು ರಾಜ್ಯಗಳಲ್ಲಿ ಬಂದಿವೆಯಾದರೂ, ಮಹಿಳೆಯರು, ಆರ್ಥಿಕವಾಗಿ ಮತ್ತು ಸಾಮಾಜಿಕವಾಗಿ ಹಿಂದುಳಿದ ವರ್ಗಗಳು ಸೇರಿದಂತೆ ಸಮಾಜದ ದುರ್ಬಲ ವರ್ಗಗಳ ಹಕ್ಕುಗಳನ್ನ ರಕ್ಷಿಸಲು ಇಂತಹ ಕಾಯ್ದೆಗಳು ಅಗತ್ಯವಾಗಿವೆ ಎಂದು ಅಫಿಡವಿಟ್ನಲ್ಲಿ ತಿಳಿಸಲಾಗಿದೆ.
ಅದೇ ಸಮಯದಲ್ಲಿ, ನ್ಯಾಯಮೂರ್ತಿ ಎಂ.ಆರ್.ಶಾ ನೇತೃತ್ವದ ಪೀಠವು ಇದನ್ನು ಗಂಭೀರ ವಿಷಯವೆಂದು ಪರಿಗಣಿಸಿದೆ. ಪ್ರಕರಣದ ಮುಂದಿನ ವಿಚಾರಣೆ ಡಿಸೆಂಬರ್ 5ರಂದು ನಡೆಯಲಿದೆ. ಈ ಹಿಂದಿನ ವಿಚಾರಣೆಯಲ್ಲಿ, ಬಲವಂತದ ಮತಾಂತರವು ನಾಗರಿಕರ ಆತ್ಮಸಾಕ್ಷಿಯ ಸ್ವಾತಂತ್ರ್ಯ ಮತ್ತು ದೇಶದ ಭದ್ರತೆಯ ಮೇಲೆ ಪರಿಣಾಮ ಬೀರಬಹುದು ಎಂದು ಸುಪ್ರೀಂಕೋರ್ಟ್ ಹೇಳಿತ್ತು.
‘ಬಿಜೆಪಿಯವರಂತೆ ನಾನು ಲೂಟಿ ಹೊಡೆದು ರಾಜಕೀಯ ಮಾಡಿಲ್ಲ’ : ಹೆಚ್ಡಿಕೆ ವಾಗ್ಧಾಳಿ
ಶೃಂಗೇರಿಯಲ್ಲಿ ‘100 ಬೆಡ್ ಹಾಸ್ಪಿಟಲ್’ ಹೋರಾಟಕ್ಕೆ ಜಯ : ತಕ್ಷಣವೇ ತಾತ್ಕಾಲಿಕ ಕಟ್ಟಡದಲ್ಲಿ ಆಸ್ಪತ್ರೆಗೆ ಚಾಲನೆ..!
BREAKING NEWS : ಟ್ವಿಟರ್ ಬಳಕೆದಾರರಿಗೆ ಬಿಗ್ ಶಾಕ್ ; 5.4 ಮಿಲಿಯನ್ ಜನರ ಡೇಟಾ ಲೀಕ್ |Data leak
