ಕೆಎನ್‌ಎನ್‌ಡಿಜಿಟಲ್ ಡೆಸ್ಕ್‌ : ಕ್ರಿಪ್ಟೋಕರೆನ್ಸಿ ಭವಿಷ್ಯವಾಗಿದ್ದು, ಇದನ್ನ ಗಮನದಲ್ಲಿಟ್ಟುಕೊಂಡ ವಾಟ್ಸಾಪ್, ಕ್ರಿಪ್ಟೋಕರೆನ್ಸಿ ಪಾವತಿಯ ಪೈಲಟ್ ಪ್ರಾರಂಭಿಸಿದೆ. ಕ್ರಿಪ್ಟೋಕರೆನ್ಸಿಗಳಲ್ಲಿನ ವಹಿವಾಟುಗಳನ್ನ ವಾಟ್ಸಾಪ್‌ನಲ್ಲಿಯೂ ಮಾಡಬಹುದು. ಆದಾಗ್ಯೂ, ಇದು ಪ್ರಸ್ತುತ ಪರೀಕ್ಷೆಯ ರೂಪದಲ್ಲಿದ್ದು, ಇದನ್ನು ಸೀಮಿತ ಬಳಕೆದಾರರಿಗಾಗಿ ಹೊರ ತರಲಾಗುತ್ತಿದೆ.
ವಾಟ್ಸಾಪ್ ಚಾಟ್‌ನಲ್ಲಿಯೇ ಕ್ರಿಪ್ಟೋಕರೆನ್ಸಿ ವಹಿವಾಟಿನ ವೈಶಿಷ್ಟ್ಯವನ್ನು ನೀಡಿದೆ. ಇದಕ್ಕಾಗಿ, ಕಂಪನಿಯು ಮೆಟಾ (ಫೇಸ್‌ಬುಕ್)ನ ನೋವಿ ಪ್ಲಾಟ್‌ಫಾರ್ಮ್ ಅನ್ನು ಬಳಸಿದೆ. ಅಂದ್ಹಾಗೆ, ಫೇಸ್‌ಬುಕ್ ಒಂದು ತಿಂಗಳ ಹಿಂದೆ ಪರೀಕ್ಷೆಯಾಗಿ ನೋವಿ ಡಿಜಿಟಲ್ ವ್ಯಾಲೆಟ್ʼನ್ನ ಪರಿಚಯಿಸಿತು.
ವಾಟ್ಸಾಪ್ ಸಿಇಒ ವಿಲ್ ಕ್ಯಾತ್‌ಕಾರ್ಟ್ ವಾಟ್ಸಾಪ್‌ನ ಈ ಹೊಸ ಪೈಲಟ್ ವೈಶಿಷ್ಟ್ಯವನ್ನ ಘೋಷಿಸಿದ್ದಾರೆ. ವಾಟ್ಸಾಪ್‌ನಲ್ಲಿ ಕ್ರಿಪ್ಟೋಕರೆನ್ಸಿಯನ್ನ ಕಳುಹಿಸುವುದು ಸಾಮಾನ್ಯ ಲಗತ್ತನ್ನ ಕಳುಹಿಸುವಂತೆಯೇ ಇರುತ್ತದೆ ಎಂದು ಗಮನಿಸಬೇಕಾದ ಅಂಶವಾಗಿದೆ.
ಉದಾಹರಣೆಗೆ, ನೀವು ವಾಟ್ಸಾಪ್‌ನಲ್ಲಿ ಯಾರಿಗಾದರೂ ಫೈಲ್ ಅಥವಾ ಫೋಟೋವನ್ನ ಕಳುಹಿಸುವಂತೆಯೇ, ಕ್ರಿಪ್ಟೋಕರೆನ್ಸಿಗಳನ್ನು ಕಳುಹಿಸಬಹುದು. ಈ ವೈಶಿಷ್ಟ್ಯವನ್ನ ಬಳಸುವುದು ಸಹ ಸುಲಭವಾಗುತ್ತದೆ.
ಸದ್ಯಕ್ಕೆ USನಲ್ಲಿ ಮಾತ್ರ ಈ ವೈಶಿಷ್ಟ್ಯವನ್ನು ಪ್ರಾಯೋಗಿಕವಾಗಿ ಪರಿಚಯಿಸಲಾಗಿದೆ. ಇದು Android ಮತ್ತು iPhone ಎರಡಕ್ಕೂ ಇರುತ್ತದೆ. ಕ್ರಿಪ್ಟೋಕರೆನ್ಸಿ ಕಳುಹಿಸಲು, ಬಳಕೆದಾರರು ಚಾಟ್‌ನಲ್ಲಿರುವ ಪೇಪರ್ ಕ್ಲಿಪ್ ಐಕಾನ್ ಮೇಲೆ ಟ್ಯಾಪ್ ಮಾಡಬೇಕಾಗುತ್ತದೆ ಮತ್ತು ಪಾವತಿಯನ್ನ ಆಯ್ಕೆ ಮಾಡಬೇಕಾಗುತ್ತದೆ.
ವಾಟ್ಸಾಪ್‌ನಲ್ಲಿ ನೀಡಲಾದ ಈ ವೈಶಿಷ್ಟ್ಯದೊಂದಿಗೆ ಕ್ರಿಪ್ಟೋಕರೆನ್ಸಿ ಕಳುಹಿಸಲು ಯಾವುದೇ ಹೆಚ್ಚುವರಿ ಶುಲ್ಕವಿರುವುದಿಲ್ಲ. ನೋವಿ ಖಾತೆಯಲ್ಲಿ ಕ್ರಿಪ್ಟೋಕರೆನ್ಸಿಯನ್ನು ಹೊಂದಲು ಸಹ ಯಾವುದೇ ಶುಲ್ಕವಿಲ್ಲ. ಕ್ರಿಪ್ಟೋ ಕಳುಹಿಸಲು ಅಥವಾ ಸ್ವೀಕರಿಸಲು ಯಾವುದೇ ರೀತಿಯ ಹೆಚ್ಚುವರಿ ಶುಲ್ಕವಿರುವುದಿಲ್ಲ.
New in the US: use your @Novi digital wallet to send and receive money right within a @WhatsApp chat. People use WA to coordinate sending money to loved ones, and now Novi will help them do that securely, instantly and with no fees. https://t.co/4wG4t8zwKh
— Will Cathcart (@wcathcart) December 8, 2021
ಮಧುಚಂದ್ರ ಕೋಣೆಗೆ ಹೋದ ನವ ವಿವಾಹಿತೆಗೆ ಬಿಗ್‌ ಶಾಕ್‌.. ನಿದ್ದೆ ಮಾತ್ರೆ ತಿನ್ನಿಸಿ, ಗಂಡನಿಂದ ನೀಚ ಕೃತ್ಯ
